234 o k

cannie, 希望你快d好番, 千祈唔好心急.
要介口同休息多d呀~!

之前想像行夜山? 咪搞我, 一定又累又辛苦又要捱眼訓, 無諗過原來行夜山比行日山更容易應付, 出發前在車上好眼訓, 但起步後越行越精神, 天公造美, 涼風送爽, 加上隊友沿途有講有笑, 真係唔覺辛苦.
(好彩有亞yip同 connie直擊報導東週刊/成報, 先令尾女三人組上山忘記左辛苦, 虎哥你就大把野聽, 益左你啦. )

因為睇唔到前面條路有幾多梯級, 睇唔到有幾斜, 只係知不斷咁上, 不斷咁落, 反而無左壓力. 美中不足, 就係睇唔到沿途美好景色. 當天色漸亮, 見到晨光初露, 好有一種溫馨寧靜的感覺.

今次真係好多謝亞頭, 原來佢感冒未完全復原, 食住藥都出黎一直帶頭, 陪住大家行足全程, 心中真係過意唔去.
仲有好感激各位沿途的照應, 尤其係虎哥同成哥, 虎哥係全隊之中行完之後, 最龍精虎猛的一個, 一D 倦容都無, 仲要第一時話去搵位飲茶食飽, 我同陳仔connie, 想訓教多過想食野, 見到個小巴, 第一時間衝上車, 真係失禮哂.

moon,我都衰衰格格,一踏上94號巴士拍完咭又問你問自己 又唔係未行過,上年行完毅行發誓唔再行姊妹山(雞公山+馬鞍山),點解要挨夜,不如坐番呢架巴士原車返歸,真係攞黎賤 ,沿途慶幸天公造風,還有彎彎月亮,星星伴我行,可惜我唔懂欣賞,淨係望著地下行,對腳擔唔起,有兩次險些80度坳柴,正宗晚九朝五,今天起來由腰至腳板底都酸痛~~~,下次你們再操練夜行,我就係屋企張龍床熟睡,感覺好幸福


唔行唔知身體好,係我朦朧眼中,除了阿虎,陳仔,moon外,全部""晒,2010年毅行者努力

毅行師姐

moon,圍嘔好過圍打,保重龍體

今回夜行天氣非常好，時行時聽蟲叫聲。