飲飲食食行行山 http://hiking.myvnc.com/hiking/ |
|
2008.11.2日全走杯靈雙渡 http://hiking.myvnc.com/hiking/viewtopic.php?f=2&t=492 |
第 5 頁 (共 6 頁) |
發表人: | 252 [ 週一 11月 03, 2008 12:43 pm ] |
文章標題 : | Re: 2008.11.2日全走杯靈雙渡 |
吓下刀妖佛鈔,已后重錦友仁法表民張,媽義錄(易易淥)里煮池供道LA。(我有否寫錯字,我洗唔洗佛鈔呀,我好驚呀) |
發表人: | Denis [ 週一 11月 03, 2008 12:55 pm ] |
文章標題 : | Re: 2008.11.2日全走杯靈雙渡 |
你噚日咁鬼多嘢講... 罰你將《自京赴奉先縣詠懷五百字》背一次就真 仲要係倒背 |
發表人: | yip [ 週一 11月 03, 2008 1:37 pm ] |
文章標題 : | Re: 2008.11.2日全走杯靈雙渡 |
Denis:好勁呀!果然動感十足呀,我地101%收貨。 [青山全走]後感:杯靈雙渡不愧為考牌線,吋草不生,浮沙碎石,一路行感覺好去左個魔鬼山一樣,太熱會中暑,落雨行唔到,大風遇風沙,冬天寒風刺骨,必須係某時間內下山,否則…所以個人、體能意志最佳訓練地方,犀飛利。Cannie:同你講,你放心,我諗呢10年都唔會再行,除左走難之外,唉!..ykp:你行唔到,真可惜,實在太難忘太考驗。226堅定行程,全程天公送上東北風散熱,[屯門之友]可安全完成。還有有無線電對話同支援,一個人在途上又無咁悶,一呼幾應,係行山好伴侶。最後最重要還有一班老友支持同行,拍照!(仲要晒大相留念)住屯門咁耐,真係不往此生,好滿意,謝謝!由膊頭到腳趾都痛,尤其腳趾巳行出4個”枕”,訓覺都仲感到係行緊浮石,本星期要休息按摩,下個目標半馬進發!!!!! |
發表人: | cannie [ 週一 11月 03, 2008 3:40 pm ] |
文章標題 : | Re: 2008.11.2日全走杯靈雙渡 |
今日大脾好鬼痛.. 痛過行完苗圃呀..慘la星期五重要做毅行支援..唉!!病又未好番喎..點算..星期日ge行程都要度吓先... |
發表人: | vr2226 [ 週一 11月 03, 2008 4:28 pm ] |
文章標題 : | Re: 2008.11.2日全走杯靈雙渡 |
經過一天的長程遠足浮沙碎石、太陽當空、西南風吹、腳步不離沙面、精神毅力信心意志關心。在安全中完成、時間上以普通山行者可算ok。早出晚歸當年時常都有。今次全走杯靈雙渡已算成功,天氣又好。大家可留下回憶。如9號不便可推後再游。由成嫂出線。 |
發表人: | yip [ 週一 11月 03, 2008 4:39 pm ] |
文章標題 : | Re: 2008.11.2日全走杯靈雙渡 |
阿cat話:前心口,後背脊,膝頭都痛,抖唔到氣,不過學左2下飄移,都不往此行。不過大家一定要帶透心涼汽水上山給我飲。多謝2位師父(大象&smson)學會彈落山,下次後會有期,請呀~~~~~~(佢睇住我打,好鬼............) |
發表人: | cannie [ 週一 11月 03, 2008 9:37 pm ] |
文章標題 : | Re: 2008.11.2日全走杯靈雙渡 |
denis:多謝支水呀....水樽麻煩左kelly轉交給你..還有多謝半日離場d老友留水給我們補給...唔係下半場就慘la...無水無力點捱到終點..謝謝 |
發表人: | Moon [ 週一 11月 03, 2008 10:48 pm ] |
文章標題 : | Re: 2008.11.2日全走杯靈雙渡 |
各位隊友: 可能我有 D 犯賤, 覺得耐唔耐有咁激行程真係幾正, 雖然今日大脾好鬼痛, 但想起可以在一個咁天時地利人和的天氣下完成一個壯舉, (而且係一個無心理預備之下) 真係幾有滿足感~ 226發功真係幾好架啦, 連個天都幫我地, 如果佢可以俾多d心理準備我地重更加好~ 因為差d彈盡人乾~ 好彩呢個山有大家亙想照應, 有先頭部隊為我地打點開路, 又有252沿途激勵我地,(成日問住, 點呀? 你地係邊度呀, o下, 咁耐都未到? 見唔見到我呀? 嘩, 行得咁鬼慢o架? 有排你地捱呀, 一陣條路全部都係浮沙碎石呀...~) 你話啦, 咁多人氣, 點都唔似魔鬼山啦~ 亞 yip 你今次幫我地元朗屯門友爭取到呢條路線, 令我以後搭車經過都想起自己曾經上過此高山, 真係不枉此行~ (由上望落屯門區原來好大好大) 多謝 helen 送上手套, 令我盡情去"擒"山, 又多謝各隊友的水果及食物, 令我不用乾啃自己的麵包~ 最開心就係今次可以同你地係元朗食晚飯, 係另一種值得回味的回憶~ 總括o黎講, 辛苦得o黎係值得同難忘! |
發表人: | vr2226 [ 週一 11月 03, 2008 11:19 pm ] | ||||
文章標題 : | Re: 2008.11.2日全走杯靈雙渡 | ||||
成功上行
|
發表人: | YKP [ 週一 11月 03, 2008 11:44 pm ] |
文章標題 : | Re: 2008.11.2日全走杯靈雙渡 |
yip : 青山還有很多好地方, 有機會叫 226 開線再行。 |
發表人: | vr2vre [ 週二 11月 04, 2008 12:32 pm ] |
文章標題 : | Re: 2008.11.2日全走杯靈雙渡 |
252 寫: 吓下刀妖佛鈔,已后重錦友仁法表民張,媽義錄(易易淥)里煮池供道LA。(我有否寫錯字,我洗唔洗佛鈔呀,我好驚呀) 252同學, 你嘅表達型式甚具創意, 攪到個個睇你篇野都要睇兩三次, 完全達到寫文章目的, 要加十分. 但係, 又有同學投訴响户外實習堂時被252同學滋擾, 攪到中午時有十個八個同學中途退出, 雖然唔知關唔關你事, 但係都入哂你數啦, 減十分, 即係 零雞蛋. |
發表人: | yip [ 週二 11月 04, 2008 1:12 pm ] |
文章標題 : | Re: 2008.11.2日全走杯靈雙渡 |
helen成句讀比我聽先知係咩!仲以為係"大悲咒".... moon:經過呢役,又長期忍受輕鐵之苦.....咁我地"元屯之友"繼續向3星級挑戰 |
發表人: | vr2vre [ 週二 11月 04, 2008 4:17 pm ] |
文章標題 : | Re: 2008.11.2日全走杯靈雙渡 |
原來星期日我地都去左好多出名嘅地方, 有 青山禪院 孝思徑 青山(杯渡山) 韓陵片石亭 韓愈寫的"高山第一" 圓頭山(靈渡山) 靈渡寺 |
發表人: | vr2vre [ 週二 11月 04, 2008 6:24 pm ] |
文章標題 : | Re: 2008.11.2日全走杯靈雙渡 |
網上都有好多資料, 整理下先. 青山禪院 普渡寺,斗姆宮,杯渡寺,杯渡庵,普渡道場,雲林寺,青雲觀係佢嘅舊名,建於1500年前的東晉未年, 其間杯渡禪師曾駐留於此, 其絕活是木杯渡江, 比美達摩禪師一葦渡江, 所以連山都改名杯渡山,寺亦曾奕名杯渡寺,此寺曾被道教接管, 其後又被佛教徒於1921年重新接管, 故寺內有觀,閣,殿等佛道同存. 挹 曉 亭 登山途中有一亭,名挹曉亭,為本港名人何東所建.1922年,何東與夫人登山遊歷青山寺,因體諒遊人登山之苦,便興建這亭,供人休息,挹曉亭旁有一石碑,為顯奇法師在1932年所立,記載此亭的來龍去脈. 香海名山牌坊 一九二七年及一九二八年,港督金文泰曾兩次遊歷青山,對那裏的風光大為讚賞,便於一九二九年建立了香海名山的牌坊,牌坊上「香海名山」四字就是他所有題的。 青山 又名杯渡山,海拔583米,死英國鬼佬改名castle peak road, 話佢似堡壘喎, 但係點解條青山道咁長呢(深水埗去到元朗), 原來係方便英國接收新界管治, 方便開發新界. 韓陵片石亭 青山頂上,在訊號轉播站後, 測量礅下大石, 刻有「高山第一」的石碑,據考為宋徽宗時落居新界錦田鄧符協游青山時,摹韓愈字體刻寫。「高山第一」的刻石可惜因年代久遠,風雨侵蝕,已告殘缺。碑後刻有韓愈詩四句︰「兩巖雖云牢,木石互飛發。屯門雖云高,亦映波濤沒。」後人建有六柱六角亭,名「韓陵片石亭」,亭北有「青山碑記」。 靈渡寺 始建於東晉隆安年間(397~401),距今己有一千六百年歷史,隋朝改名為「靈渡道場」,唐朝改名為「大雲寺」,宋朝改名為「碧霞宮」,元朝改名為「白雲觀」,後仍改回原舊名。根據寶安縣誌記載,南北朝時,高僧杯渡禪師,曾駐錫於此. 建寺時是依據風水格局,座圓頭山(靈渡山), 兩旁各有山脈護衛, 寺門口向平原, 像一頭猛虎張口伏下, 但平原一帶居民漸多, 又偶有不幸事件發生, 為風水關係,已將寺門由正向大雄寶殿改移至寺內大雄寶殿的左側。亦是目前香港僅存的清代形式古寺, 寺內有南宋時著名高僧杯渡禪師開鑿的泉井杯渡井(好似乾左). |
發表人: | vr2226 [ 週二 11月 04, 2008 9:48 pm ] | |||||||||||
文章標題 : | Re: 2008.11.2日全走杯靈雙渡 | |||||||||||
10張
|
第 5 頁 (共 6 頁) | 所有顯示的時間為 UTC + 8 小時 |
Powered by phpBB © 2000, 2002, 2005, 2007 phpBB Group http://www.phpbb.com/ |