各老友,聖誕前夕忙碌著清理假前工作同2隻小狗急救事務,煩裡偷閒便同helen伉儷一行3人,跟景外行山隊去了江西省武功山+明月山4天走一轉,這是我們4天難忘片段…….


第1天:準8時福田上車,全團44人全車滿座,車程不停站需要9小時,齊人出發!!幸好之前累積一堆睡債,只要一上車便呼呼入睡,好快晚上8時到了宜春了,領隊叮囑明晚住武功山上賓館,海拔1,918.3米=6,330呎,有機會無暖氣,準備保暖衣物,輕裝徒步上山.ok!體力义好8成電,明天6時起身,7點半出發。
天氣寒冷,我又怕凍,取房第一時間開暖氣,房間大調到30度,正!好興奮未有5秒,同房就話佢好怕熱重話”錯配”咁話,冬天著短衫短褲睡,半夜會出汗,好醒訓,喂!即係點呀…,一人讓一步,28度!都未坐好,好快佢巳經講:我好快..我會點點點:等等,師姐每刻都係備戰狀態!都好,我好慢,咩都比佢先。大家梳洗好,問問下,原來佢扖龍舟賽中鳳艇,唔中意墨守成規,要挑戰,爆炸力,好一個硬朗女子。


第2天:早餐後,天陰大霧,背著一個背囊手挽輕便行李,選擇不乘吊車徒步上山,其實心裡交戰,85歲都肯行,唔通好意思一個人坐咩?我一定行唔到一半叫辛苦,又會胡言亂語,由山下公園起步,樓梯建築非常漂亮,當上了一小時多都係樓梯,不得了,舉頭望上去全部都係連綿不斷天梯,天呀….,幅度又直密度又高,放棄!放棄!返轉頭!搭覽車!辛苦過青山、袡蛇尖好多呀,此時多得helen老公幫我挽輕便袋,佢地又鼓勵繼續向上行,而家我個腦,個胃對腳都實晒,我唔想再聽就到”就到”2個字,跟本遙望目的地都見唔到,點都要追食飯時間,下午還要行上金頂,終於苦不堪言之時真係就到,helen老公放低行李,取完房,返轉頭係石梯找回我,幫我揹著背囊上賓館,老友記真係唔話得,難以至信行到雲海之上,風景又好靚,十足水墨畫!!休息過後,2時鬆起步,繼續向上爬,向武功之巔[金頂]出發~因為天早黑,千叮萬囑今次要6時回到賓館,我眼前見到就係一條不斷萬里長城樓梯,風很大,大過飛鵝山風力,又寒冷,放棄念頭又黎啦…咬緊條脷終於行到[金頂之巔]舉步維艱巳5時,又要趕下山,未到6時巳天黑大霧,無線電機只得2部,少部份人帶電筒,大家要緊貼著行,石級又直又斜,有時中間生棵樹,前呼後應,慶幸電訊覆蓋到山上,叫楂頭機返轉頭帶路,我的雙腳巳很痛,有行友仲傷患復發,行到面紅卜卜,痛苦~~~~淨下山都差不多2小時。極速開飯補充熱量,賓館又好簡陋,熱水只可用20分鐘,用完再要等3小時先有熱水供應,你自己諗下啦~~~~極速時間9時巳入夢郷zzz~~~~~


第3天:明月山國家公園,淨玩都要3天時間,上山幅度比昨天山無分別,無需考慮,我選一定吊車上,徒步慢落。


事後大家粗略估計2天上落至少有一萬級,由26號至今天31日,第6天,小腿肌肉非常結實仲痛緊,聽說幾年前,都出過一團行足5天山,晚上按腳明天再行,充滿堅毅同耐力,大師兄大師姐,勁呀!
唔係什麼豪華美食團,論另類旅行隊黎講,早上消耗熱量,每一餐食物都感覺好豐富!

哈哈！Yip 同Helen终於練成武功下山歸來了。恭喜恭喜！