行山消暑妙法

Moon · **發表於 :** 週四 8月 12, 2010 10:50 pm

各位, 夏日炎炎又唔想放棄行山樂, 上星期我試過呢個方法都幾OK, 真係 work 呢!

夏日行山, 相信大家都會帶備一條清潔的抺汗毛巾, 又會帶冰鎮飲品或者冰鎮食品, 睡覺前, 用一條己弄濕的毛巾包好飲品(或食品), 放入冰格, 第二日出發前再放入保溫袋, 咁當行到中途熱到頂唔順的時候. 攞出黎往面上一抺, 或者圍係頸上, 即刻消暑兼透心涼, (因為面巾己經溶左雪), 而飲品又咁樣都可以保凍耐D, 真係幾好架.. 再唔係用毛巾包舊冰, 都得架, 又或者將樽冰水, 攬住係心口, 咁就實係唔會中暑架啦, 大家不妨試下啦, 哈哈~!!

123 · **發表於 :** 週五 8月 13, 2010 12:42 am

Moon & 陳兄

：
非常實用及簡單之消暑方法分享，星期日定必模仿之！。行山實切忌過份自信，死頂？，那位新西蘭机師之悲劇實令我等有所警剔？，相信當日其同行之友人將終身內疚！。前，我亦愛孤身上路任縱橫，但自幹探丁利華失踪？，相隔不久又有多位巴士呀哥在西貢行山消失才令我警醒，如身體狀況會特然轉壞時想求救亦有心無力，更莫論特然中暑，脫水或昏迷呢？ (sleep3)

。飲飲食食行行山在頭，中，尾亦有机互聯照應實有效及安全得多！。現踏進人生另一頁，出隊指數極高，都係要去華強北整番部 Vhf 机在行山時聯絡用為佳！，需然暫時仍係非法使用，但唔係有政治動機相信在山頭暫可網開一面吧。 (hi)

哈哈。 123.

Moon · **發表於 :** 週五 8月 13, 2010 7:38 am

123兄, 你榮休之後又夜訓又早起, 真—樂也! 歡迎你多多出黎行山. 補充一句. 毛巾—定要略濕水後才放入雪柜冰格. 我己經幫你買了保溫袋, 星期日比你.

helen · **發表於 :** 週五 8月 13, 2010 9:26 am

Moon：

我見到EW有冰涼的頸條巾買，售貨員說可以保持5-6小時，不過你的方法最好，幾慳錢又可以將的食品或飲品保持冰涼。正 (yes)

Moon · **發表於 :** 週六 8月 14, 2010 8:57 am

HELEN:
多謝你讚我呀, 原來 EW 有冷頸巾買咁得意? 等我經過都睇下先.
做少少工夫, 就可以消暑, 何樂而不為呢?
總之夏日行山, 我一定要攬住舊冰先得架, 哈哈~

行山消暑妙法

線上會員