Cannie:
你次次唔係比蚊咬就係比草界, 真係好慘, 不如加入我地長褲行列, 保護下你雙玉腿都好喎.
我地都好明白亞頭一心為我地好, 想我地唔好係烈日當空哂, 入林可能會比較好D, 佢都好辛苦, 為我地大開殺界, 折哂D天羅地網, 真係用心良苦呢!

假象唔駛客氣,, 你都唔想咁, 其實我地最擔心你唔知我地入左水管路, (因為係分支路)一路都望住你到未呢? 我地又認唔到你帶黎個幾個朋友, 估估下山上有幾個後生仔女係咪你D 朋友呢,

尾隊有幾段小插曲, 回想起真係幾好笑, 同大家分享下.

1)陳仔在尾隊望住假象上左黎未呢? 因為要入林了, 忽然遠遠望見有三男一女, 立刻好開心咁係對講機同成哥講, 佢地黎緊啦… 點知佢地行到埋黎, 原來係認錯幾個唔識的過路人, 於是好無奈同成哥講, 擺烏龍了,三男一女唔係佢地, 成哥二話不說, 得! 你地入林先, 等我返轉頭搵佢, 好彩, 好快聽到成哥接到假象.

2) 我相信最唔介意假象遲就係森神, 因為佢笑住講: 唔緊要, 影住相等..

3) 會合左假象, 於是大家快步想追番大隊, 途中見到一位Aunt係度好興奮咁摘油甘子, 我唔知佢係邊位, 以為佢地係其他路人甲, 森神忽然同我講, 個位 Aunt 其實好危險, 行到咁出摘油甘子, 要同佢講”唔好” , 我答: 下? 佢係我地個隊咩? 森神話: 應該係, 因為唔係咁多人識行入黎呢條路. (又分析得幾有道理喎)

4) 到左一個有小梯級的樹蔭, 假象稍作休息, 問成哥, 趕唔趕到2點半去到大休點食飯? 成哥於是用佢連自己都唔相信的語氣安慰講: 得既!
成哥跟住話: 你地慢慢抖下先, 我繼續行睇下條路…..
可能成哥D 戲交唔足, 假象都知道唔會咁快到, 叫陳仔用對講機同成哥講, “唔該, 叫我d朋友開飯先,唔駛等我…”

5) 行下行下, 又見到另一個Aunt 同叔叔, 好似行得幾辛苦咁, 見到我地問, 仲有幾耐先到呀? 有人答佢, 約45分鐘啦… 我話, 之前半個鍾頭又話係45分鍾到, 半個鐘頭後又係 45 分鍾?

6) 行左無耐, Aunt 又問, 仲有幾耐到呀? “45分仲”…...我個肥仔朋友搶住答佢, 笑死我!
我好奇咁問佢地, 你地係邊個朋友帶黎架? 亞LIN呀, 佢話行兩個鍾架咋, 兩個鍾呀, 等於我地行四個鍾, 三個鍾我地要行6個锺…. (哈哈, 亞LIN無呃你地呀, 佢地自己腳步真係兩個鍾就到)

7) 成哥一路同陳仔保持聯絡, 一路教佢我地點行, 終於由樹林見到大路, Aunt 問在前面的陳仔: 師傅呀? 真係仲有幾耐先到呀?………..L
陳仔見到小屋知道唔會有錯, "到啦到啦, 咁次真係好快到架啦!! 哈~!哈 !”

亞頭話齋: 次次旅途上都有不同的驚喜同體驗, 真係一d 都無講錯!
我就覺得, 最難得就係大家都有包容同體諒的心呢~!

Cannie如果有個骏男同你講，最憎人著短褲，你估你会点呢？嘻嘻.....

Tommy, When Cannie meet a handsome guy, she must wear mini skirt la !!!

哈！哈！哈！
咁快出絕招？！

tommy:知我者..莫若於我d老友...重要加埋件小背心添呀....

Moon, 並實唔同人有唔同嘅答案, 例如,
果日有人問阿頭大浪坳上南蛇坳要幾耐, 阿頭答: 十零廿分鍾,
佢地唔知普通人行要將時間X2

又有人會問234仲有幾耐到大休點, 234答: 轉個彎就到,
佢地唔知234唔知仲有幾遠就會答"轉個彎就到"

又有人會問成哥幾點趕唔趕到去到大休點, 成哥答: 得嘅,
佢地唔知成哥戲份唔足, 語氣同個樣係唔夾嘅.

嘩、阿moon文章內容形容得好，講出進入水管路時有意志消沈，無方向時會發問、何時、幾時、重有、到未。大家都答得好、我地要安撫住佢鼓勵佢。同佢講吓風景，ok啦見到個、、、就到。零慢莫急好快到。

行程參考時間