yip:我pat pat同埋小腿都有點痛呀....星期六一役焗一焗..今日卒之發左出嚟要睇醫生囉

今個星期六日點都要歎番夠本....

Cannie, 近排流感好勁, 阿女學校都好多同學放病假, 快d睇E生唔好拖, 要舒舒服服enjoy呢個禮拜六日呀.

cannie、一有時間空閒，就要睡睡。

Cannie:

給身體多一些時間休息, 待體力回復正常, 才去享受星期六露營吧.

226及各位吾使擔心，經過我即係成嫂於昨天晚上，11時多在msn的親切慰問之後，cannie應該無乜事，為安全起見睇定公司醫生，據我估計，佢瞓一覺啪一粒幸福傷風素就ok架喇！點解佢食幸福傷風素但吾食公司醫生d藥？佢話會越食越病？？？又會咁ge？？？234你可以放心，星期六日你一定可以enjoy到cannie整的美食呀！一開學，四處都是豬流感，我亞女間學校都好危，現在傳到去中五，就泥到中七，咁就要準備隨時停課了！

我地學校都好多人請假,咩~~感都驚

幾時走去滿天星級貝澳,一宿二味,露又得、不露又得 11月.....12月.....毅行過後....

denis,你旅程如何,有沒有又驚又喜?

我姪仔間學校今日已開始停課七日喇, 佢自己都病咗係屋企.

成嫂:未答你個疑團..點解睇完醫生唔食葯..因為d醫生唔係對症下葯...所以咪唔食..一係睇幾次都係唔好...越食越衰....最慘係小病變左大病添...

yip:無問題...行完毅行整番個貝澳全歎抖ge...

甘(好甘)苦(好苦)與共,一口氣1-5段20小時23分步行實錄篇

人物:跑步隊4人(我不相識)
飲食隊2人(我、helen)

10月10日下午等helen放工,一齊跟唔相識跑步隊,一行6人,由保良局渡假村第1站起步,跟跑步隊要求,不設大休,不睡覺,食完拉下筋即走,儘量緊貼著,跟不上都係分义路等,預計明早10時到獅子亭,226說無士多補充,我地揹好多水,前後計下都有10磅重,我倆目標第2段北潭凹走人,不過友隊講第2段無車走,幫你叫飯你地再打算!


2時15分起步….秋高氣爽,休息2星期狀態尚好,由中午行到黃昏,秋天湖光山色+橙色咸蛋太陽,大家忍唔住停下來。

走到近大浪灣,越夜越有星,滿天都是星,有風又有浪聲,行到座標31,分义路,左邊有廁所路,右邊沙灘路,大家都未行過夜路,不知如何是對,記得成哥講過沙灘路好易行錯,記得入林是對,但係又唔知係咪講呢段,咁點??!!跑隊隊長叫大家行沙灘先,估估下咁行~~我同helen真係有d驚,黑漆漆,唔知點算,行左錯路返唔到出黎,諗起226,打電話問路,電話無網絡,原來轉駁IDD,由沙灘頭行到尾先打通,都未講完自己係邊,佢地話要踏石浪山上,上到個路牌就對,又怱怱收線,天咁黑點爬到咁高,爬都要爬,佢地巳經過晒浪石,皺晒眉時候,拾幾步爬到一條石路,大家都鬆一口氣,唔該晒226,嚇親佢,無事無事..

進入咸田灣,又到入樹林又沙灘選擇,大家緊貼著,前面探路,無對講機情況,唯有用原始方法,丹田運氣傳話,原來跑步真係可以練氣,果然不同凡響..靠左靠左,地下滿是泥濘,一段路後進入麥徑石路..

10時終於到了第3段頭,北潭凹,跑隊支援組預備好大家飯盒,飲品,水果,小食,飯還是暖暖,最溫暖是我們素未謀面的路人,待遇是同等,說多謝都來不切,吃飯連梳洗不過30分鐘,他們準備起行,我地又充了飢,大家精神也不錯,繼續一起走過的麥徑,不回頭路..




待續-~~慘痛~~擘炮篇

好精彩, 續集期待中...........好心急好心急.........

亞 yip, 快 d~! 快 d ~! 下半場好開場啦喂~!!!