硬著頭皮la.
由北潭凹到雞公山腳差不多要4個半小時,最要命上下斜幅度大,多碎小石,天又黑,尤其落斜腳要抓著,腳指腳踝節位扭黎扭去
,折騰4小時,休息一會,又到馬鞍山,成哥話:「呢度要記著,不要問幾高,就到未,只管行..」終於到山頂,雙眼只見到z z z,浮下中下
,成支國產矛台都飲晒,懵下中下鋤著腳下山,發震..行到基維爾營,頂唔順,無焦點,睡了不到3分鐘,又叫行..
睇下錶巳經差唔多18小時,第一次行基維爾,又唔知要行到幾耐,呢個時候,又係上斜級,吓~~上完又落,落完又上,有無咁多石級呀,
「邊個要整呢d嘢,唔整好過整,核突,好核突」
「我唔行,要行比佢地行晒去,旅途愉快呀」
「講到明我一定剪帶,剪帶呀,一定要剪,用牙都要咬段佢,豈有此理」
「到獅子亭先走得….好….我行快d,你地係後面慢慢行la,唔等」
口up up之際,迎面走來路人甲乙丙
:
「…我…諗著做18小時ka..」
「哼!有無咁競呀,扮嘢喳」
H
(五顏六色):我唔行la,退隊
Y
(面無血色):心口都痛~膊頭~腳指,pat pat又損,我呢度呢度痛………,我對腳有6個枕~~你呢?
H:腳指公有2個枕,呢度好痛~~應該起左水泡,唔行,打電話比cannie退隊,快D搵人行.
Y:越早講越好,唔好左著地球轉,頭燈,水袋,背囊統統都唔要,見到就憎.
H:要講明,搵唔到替更行完第2段一定剪帶,跟本行唔到,到第5段都要剪,做咩咁辛苦,為咩!
最後見到座標96
跑友峰「你地唔好咁,真係行到ka,最後上山,得幾層樓高,好快到,唔好放棄唔玩」Y「我行左幾層,仲未到,你唔好騙我..」
H「仲未到,到未呀」(我一直覺得helen好有耐力,第一次睇到佢重覆不斷問,佢真係好超勁勁攰..)
Y+H「你都好犀利,仲咁精神,好嘢」
跑友峰「唔係呀,真係好攰,呢,頭先我就係咁..义開腳黎行」
Y+H「………」
終於最1200米
跑步隊要緊貼4人同行,跑在前快馬友堅持隊友要齊人,我地自由人,都唔使問「我地走先,叫的士,你點?」隊友峰都唔理「唔係,要交人,阿媽驚唔見左我」頭也不回,三人六足
「一齊”撇”」
「唔該黃大仙地鐵站又近巴士站落」
「最近彩虹地鐵」
「先生,你知唔知我地係邊度黎,唔係月球,係西貢保良局渡假行過黎,20小時23分」
「哈哈哈,係咁ka la,都要訓練,要行下ka,唔緊要la,哈哈哈」
辛苦咁耐,唔玩都要掛著號碼牌先唔玩
~完~
㊣226行山隊討論區㊣®
登入
行行山 Facebook
萬年曆
問答集
搜尋
明天有貨交
