helen:我會報名參加..當一個操練

helen全力支持
不過唔報名只陪行

HELEN,CANNIE,
我都立刻報左名喇, 各位老友呀,
齊齊報名, 齊齊玩啦~!

報左,一齊玩

好野! BOBO 都話報名加入一齊玩, 基基你呢?

我都巳經報名喇

呀頭及各位；
11 月 07 日如我在港的話我同呀頭一樣，陪行支援！。毋需用一等道具，壓力亦小？。我一生人行最遠的一次係 5-6 年前秋涼某星期日， 由 0900 hrs 由平定道東九龍診所上飛鵝山脊再左轉去東山入麥徑過大埔道，城門，上針山再上草山落鉛鑛坳落大埔火車站己是下午 6 時半行到死吓死吓呢！，單拖行，之前亦未行過麥徑 5, 6 ,7 段！，穿公司衫衭鞋，唔掂，由草山開始脚痛！ 。現 55 了！，骨膠源小了真唔掂？。陪算了？。

123,5年前12月跟正剛有旅遊車年代,第一次行長線黃竹角咀,2個月前講定,係考牌線好緊張,,10時起步,行到某山頂處ricky叫我地現在決定A出咀長線,B環湖短線,行到出咀3:00,我地又行得慢,計埋得二十分鐘食嘢,我,helen,tommy急到倒瀉沙甸魚,成手都係油,都無影團體相,馬伯傻傻下跟左我地出咀無帶電筒,花花腳行到好傷要人扶著,第一次出行到晚9:30,10:30食晚飯,個次我同helen第一次同226、行友食飯
行得咁辛苦,明明有出無影團體相好唔抵,叫226點都要剪貼番個頭上去,證明我地有出,仲要賴死唔走個樣先得,點知出黎張相又驚嚇又笑鬼死,helen午夜飛頭 ,呢次之後,226剪貼工作就要佢做

呀 Yip & 呀頭 :
我行年孖伍亦尚未出過長咀呢！，你地都叫行過？，整乜嘢相不如在秋涼時建議呀頭整番轉時影多幾張形仔相，以証到過更實際？ 。
黄竹角咀我在 1975 年尾在大埔抝返工時每日定必出入兩次！，不過由海上望黄竹角與由黃竹角望出海又係兩回事？。當年每次返工唔係執咸魚便是執偷渡客，時移世易那會想到我們之祖國變成今日咁資本化既社會？，姓資定姓社，大家均同一答案了？。早知如此，當年那麼多犧牲性命翻山越嶺跌死，被狗咬死，再游水時浸死，鯊魚咬死等等之同胞，真是一句何必呢？，多小可歌可泣悲狀之故事當年發生在后海灣，大鵬灣 ( 大, 小 梅沙，鯊漁涌 )及悟恫山呢！。近日在美獲獎之關惠群女士 ( 無私在 N.Y 照顧流浪者 )，當年她亦是拚死而後生游水到港才有機會呢？ 。1975 年秋涼時我們接獲報告話有咸魚在黄竹角咀附近，我們乘坐舢舨找尋，後在黃竹角咀向往灣州離岸十多米處岩山上找到一副骸骨憑衣着似女性，相信死亡已半年以上，性懲難辨？，由於我最新故由我搜查及登記財物及証物，得對膠手套！。後，呀頭話冇可疑相信係女偷渡客，我們便將其打包用舢舨載回大船返大埔坳轉交黑車及陸上同事跟進。當年新仔成日執魚，成日發惡夢或自己壓住隻手以為比鬼壓！，某同學叫我跟佢信天道，什麽 : 三寶？，什麽世界大刧將至等，全屬負面！，令我將學武 ( 詠春駱耀 ) 之學費及實用英專之學費用作行功奉獻？，今日我文唔得武唔掂真多得此同學不小？，三年後佢地叛變，點傳師還俗，天才亦嫁人，咁都唔通知聲？，令我多兩三個月才由報章得知，故宗教勿狂熱點檔算了？ 。昨日在八仙湖找到之机師，死了 7 日在大熱天時，屍身發脹及生虫，流水，那位負責檢查佢死因無表面可疑的呀頭及記錄財物的哥哥/姐姐真發揮專業精神，服務市民？，講真真係極度厭污性尤其那氣味人未到已作嘔？，重要落手落脚，不過這亦是好事？，幫佢早日塵歸塵土歸土！，在此他/她們之專業工作態度真值得一讚？。重有：用黃泥摔手再用水洗真可去味！，一物治一物？。
我們父母當年機警來港你我才有今天？，否則，今日在深圳做摔腳的可能係你或我！。中國 這四仟多年之政治歷史是多麽可怕？，每次改朝換代均血流成河生靈塗炭，唯一是在 2000年台灣政權交接首創在和平下進行呢！ 。中國人殘殺中國人之殘忍方式在秦未西楚時已見在史書盡覽！，我們希望日後在姓資之後的社會再產生互相制衡之監察制度，再遂步施行普及教育再發展民主制度？，否則如舉目是和坤，社會那有久安？，希望在你我曾孫時能達到吧！。香港，這世上罕有可愛的地方？，中國人的勤奮聰明再加上英式管治之制度，令這彈丸之地能在世界上大放異彩？，香港亦是福地？，大家有幸在此定居更有幸大家仍能飲飲食食行行山，實人生一大樂事也？ 。
樂善行及苗圃行動如我在香港定必陪行呢。 Bye.
123.

123,做前線少d膽都唔惦,尤其到達第一現場工作人員,佩服!我姐夫做燒記,做新仔時都類似咁,周不時以為有鬼,吊頸,交通意外個d,返黎自己嚇自己,嚇埋我地.

阿yip, 没影相當妳無考牌。
明年一月再考過。