各位老友,話比你地知,唔好以為好舒服好嘆有美男陪住 呀 ,


今次我地兩個以為8天會好悶 ,每日氣溫(38-40度日與夜焗熱,唔似有落過雨)熱浪逼人,由第1天乾煎到第8天...

朝早10點巳經差唔多38度,全日活動,未到中午熱到成身痴笠笠,唔講唔知,少林寺巳經非常現代、上巿化,寺內無”方丈”要叫CEO,唔識功夫,和尚可以尼姑結婚,生兒育女,食肉飲酒,嘩都得,汗流浹背入左貌似打擂台表演場,同佢地影相都要比$20,充滿銅錢味!場地又細人又多,跑上跑落,有得搵位個企,無位坐要坐地下,好彩都仲有幾招嘆為觀止功夫睇下,前線博命,高層養命,最尾叫幾個觀眾上台學打功夫,跳起又滾地,成台都係馬騮,極無聊.


今早去西嶽華山,前幾天黃河水漲龍門石窟關門,為免水浸修路塞車,廷誤行程,翠明假期安排早改搭1小時高鐵去華北站,而旅遊車便車行李華山接應我地,萬一修路塞車都唔會礙全日行程,大家好開心,中午同旅遊車同時到達,沿路單程順暢,回程一定無問題,對咁安排大家非常滿意,排足一小時隊,上到華山指定景點,唔係靚景,人工化,反而係另一邊懸崖邊好驚險,無時間去冒險,是但留一張金庸名著《華山論劍》到此一遊,領隊膽子非常小,落石級搭覽車猛叫好驚,呱呱嘈,玩完華山,成身汗,山下買左3件行山斗蓬,斗蓬樣子唔多型,勝在實用,影下相都幾得意,返到香港行山大派用場。



離開華山,開車只得一小時多,前面車停晒,心知不妙,未夠3分鐘,後面車一湧而上,本來單線行車,單行方向瞬息間一線變四線,完全倒塞,可是這條公路是國度是必經,距離4公里便上高速公路,撥電110求救,接線員話前面水浸修路兼有車碰撞,晚餐預備好餐廳不停打電話吹促,好氣憤,有公安駛往,不過無人指揮交通,再回撥,轉去火警通報電話錄音,進入無王管地方,呢個時候架車熄了火,不妙,你一句我一句,好齊心,『返到荷蘭一定講,d人楂車無规無矩....唔可以咁..有公安行過都唔理,離譜..』『有無嘢食,呢度有個小炒喎』『唔好比佢地食,污糟』『導遊,朝早兵馬俑開幾點, 7:30 開館不如直接去,不過成身都痴立立,沖個涼先得』,買了1個6元鮮摘有泥西瓜,返5星級房間食,望著食唔到,鬧下睡下焗下凍下係部車入面,好絶望,半夜12點,個肚拮拮姑姑,餓了十幾小時,凌晨3點終於慢慢通車,到達酒店巳經凌晨4點半,『咁~你地快D休息,朝早9時起身,10點食完早餐出發..』每人朦朦鬆鬆,面青青,肚餓忘記,快快返房間洗衫.



又係酷熱日照,入到兵馬俑博物館1號館無冷氣,由頭頂濕到腳趾尾,無奈又要接受,『呢個館無冷氣,2號館有,影完相行快D過去』急急腳轉下站..『導遊!點解成個館咁黑,個坑同鎮館之寶睇唔到呀!?』『係,咁橋今日館燈壞左,整緊喎,無電筒,你地有無..』,吓,點會有人會帶電筒行街,跑完3個館,個人巳經散散地.



大伯母戰鬥第6日面色有異,呢3日行路無力,心臟有事,呼吸困難,又不停咳,好辛苦要吸大擔氣講嘢,自己都以為自己抖唔到氣...,我地真係好驚佢唔掂,大家就下,動行動唔好唔快,要減速。莫講話,領隊剛2日前發燒,又係行唔旭,問helen同我係咪發緊燒,第二日la,差點入醫院,『係呀你真係好嚴重,要快d食葯,休息訓覺!』(褲子未著好).



到晚上8時自費$150睇個仿古show睇完表演,好渣!以前睇國際級水準仿古show,好正,每場段睇到目不暇給,要睇一定要講明係咪"國際級"先,不要被瞞騙,浪費金錢時間.



第7天深度行,西安乘3小時高鐵回程鄭州,到火車站自己拎行李,好煩!新舊火車站係一齊,走難情景,首先要拉行李行一個球場咁遠,小童,老人家慢慢行,剩低helen、我、計埋領隊6個壯男沖著入閘,呢6日深刻感受人民文化,不敢怠慢,分工合作,helen手肘有傷患,右手拉喼,左手小妹妹叫著拖手一齊行,幫唔到手,自己行李太重,有兩個轆爆左,自身難保,一班扶老攜幼,上落轉左轉右,個升降機有,不過係唔會開,又拉又拎落左6層樓高梯級,大家互相幫忙,塞好行李,攤係座位上不知何時巳回到鄭州.



講咁多,我班朋友聽完都話辛苦,唔去,其實除左氣候、預料唔到事情,唔太熱的話,真係好舒服,比一般團費多少少,有合理車、食、住,塞車個晚搞到港、國內經理都唔知點算,最初諗著萬無一失,可以避得過修路,額外增加一程高鐵成本,最終都係注定逃不過,無飯食,又歉意,額外每人送個兵馬俑陶瓷工藝,(緊係塞著你地把口,費時你地返去亂講,口下留情),每個價值$200,信不信由你。



說到好辛苦,又真係有時幾難頂,當一個遊歷,唔會咁好彩,次次都係咁呱!!今次溶入一個陌生家庭裡,起碼三代同堂無什麼擺架子,不拘小節,有講有笑大家又開心。領隊日日熱到發牢騷,指東鬧西,就算發燒都多嘢講,日日聽佢講,自己慳番擔氣。當高層大女婿成日回味20年曾走絲路,非常原始,不時叫個老婆自己搵個窿搞掂^^,個老婆以為佢講認真,黑晒面,死都話忍得,無聲出。另外二女婿"廚師駙馬"相反,老婆成日當佢無到,洗衫、搬行李、攝錄都係佢,難得佢又自得其樂,有日見我地想買真人簽名書留念,佢好想買,講到出口,被喝止;好啦去到購買"皮休"隨身風水物,館長話:"請到啡色旺財,粉紅旺桃花,剛好今日觀音誕,買一送一,即100蚊2隻,好抵價",駙馬又開口要買2隻,老婆話"唔買,我地咩都有,走!",大女婿見勢色唔好,拉隊走人,聽出又睇出佢真係好想要,無晒隱跟著走。可以豪使錢時間只得小費項目,多謝每位伍佰元,一組人合共二仟元,扣佢人工!!!!



2010年7月24-31日,充實鄭州、西安.

無相睇,要睇問helen,不過都唔係影得咁專業,唔睇都無所謂

阿yip看內容，八日活動，好充實，有氣有力無野食，有屋有車無得用。

Yip，睇完感覺到辛苦非常，但很多謝，下站會去西安，但會在4月或10月，避免天熱無冷氣，塞車侷死氣。

Yip:

睇完之後, 以後跟團返大陸都有啲恐懼, 耍帶齊個人救生用品先好出發.

你地真有耐性,太多字睇完都眼痛,反而要"多謝讀者"睇完都有回應,假期返大陸貪佢算平,又唔使搭咁長時間飛機,都幾怕長時期空中感覺,由起機一刻
夾到旅遊伴,團友係難得、慶幸事,去到什麼地方,遇到什麼事物,回家後值得寫下回憶,因為我唔想忘記

我有個女性朋友,大約五、六年前一顆同伴去各地旅遊,事業完美,唯一解決不來感情事,每次旅程完畢,總是說沒有值得享受回憶旅程,日本、歐洲、印度風景再美,都是一件無聊事,只想浪費時間,近幾年巳沒有再同遊,有軀売無靈魂,生活色彩慢慢流逝,剩下三色台(黑白灰),今天街上再遇上,仍是五、六年前的她

我未見過秋葉(而紅葉只有二星期壽命),朋友影相共享,巳經充滿幻想, 假如一天...,
哎,未去超出脫離現實 問你死未!

亞Yip:
現在回大陸消費一啲都唔平，大部份景點和文化遺產，不是人工化就是作假，因文化大革命時很多文化遺產已經被破壞得七七八八，大部份都是最近這二、三拾年所加工和修補的。
國內的交通混亂問題多年如一日，遇到塞車就抽上最前因為你唔抽第二個都抽上去的，頂塞著對面行車線話之你，解結通車時第一個行先，你們守規則就係後面慢慢排La，排排下又塞過，本地人D車又抽上去前面，外來車輛不敢抽就排隧，因本地人被交警收牌(不是抄牌)可以找熟人取回，外來人就要罰錢和辦班(即是要上課學習二天)。隨著國內汽車增長驚人，駕車人仕不斷增加，高速公路越多但危機越大，因駕駛証(人牌)很容易考取[比錢]。所以在國內的交通事故很嚴重，香港人往國內旅遊有得選擇最好揀坐船或飛機，幾年前，我認識國內友人考取車牌半年，他自己駕車也沒多少次，竟然因人事關係在海關單位做教練教人開車。
如有數天假期不如去台灣作生態遊，台南住住民宿，攀玉山或懇丁遊玩，生活節奏柔閒，消費可能比大陸化算。

假象,台灣是我東南亞區最喜愛地方,懇丁、花蓮單車之旅,希望一、兩年內實現。
內地歌舞昇平表面,其實交易世界。